Dyma ni, yr wythnos fawr ar droed! Wrth i’r wlad i gyd heidio i Foduan, fyddwch chi’n siwr o fod yn ystyried beth i wneud a phryd. Mae gymaint o bethau yn mynd ymlaen ar faes yr Eisteddfod Genedlaethol ac mae ceisio gwneud bob dim yn her!

Mae tîm Lysh wedi bod yn brysur yn cribo’r amserlenni er mwyn creu casgliad byr o bigion sy’n rhoi digon o amser i chi siopa a bwyta rhwng bob un.

Cofiwch, mae gymaint mwy i wneud dros yr ŵyl, gan gynnwys digwyddiadau ym mhebyll y cymdeithasau. Does yr un amserlen yn ddigon mawr i gynnwys bob dim, felly cadwch olwg ar ein cyfryngau cymdeithasol lle byddwn yn rhannu mwy o ddigwyddiadau drwy gydol yr wythnos.